کرنسی نوٹ کو نجاست سے پاک کرنے کا طریقہ

واضح رہے کہ نجاست حقیقیہ جب  کسی چیز پر لگ جائے تو پہلے اس نجاست کو زائل کرنا ضروری ہے اور پھر اس کو کسی پاک مائع چیز  سے  دھو کر صاف کیاجائے گا ، اگر نجاست کسی  محل میں جذب ہوچکی ہو تو اس کا دھونا ضروری ہے ۔ صورت مسئولہ کے مطابق اگر کرنسی نوٹوں پر نجاست لگ جائے ،تو اس کا دھونا ضروری ہے ،اگر پانی کے ساتھ دھونے سے نوٹ خراب ہونے کا اندیشہ ہو تو  کسی اور مائع چیز(پٹرول وغیرہ ) کے ذریعے پاک کیا جائے ،تین  مرتبہ  پانی یاکوئی  دوسری مائع چیز بہائی  جائے  جب قطرے ٹپک جائیں تواس سے  نوٹ پاک ہوجائے گا،اگر یہ بھی ممکن نہ ہو تو  ان نوٹوں کے  بدلے سٹیٹ بینک سے دوسرے نوٹ حاصل کیےجائیں ۔   ما يطهر به النجس عشرة: (منها) الغسل يجوز تطهير النجاسة بالماء وبكل مائع طاهر يمكن إزالتها به كالخل وماء الورد ونحوه مما إذا عصر انعصر. كذا في الهداية.(الفتاوى الهندية،كتاب الطهارة،الباب السابع في النجاسة،ج:1،ص:41) وما لا ينعصر يطهر بالغسل ثلاث مرات والتجفيف في كل مرة؛ لأن للتجفيف أثرا في استخراج النجاسة وحد التجفيف أن يخليه حتى ينقطع التقاطر ولا يشترط فيه اليبس. هكذا في التبيين هذا إذا تشربت النجاسة كثيرا وإن لم تتشرب فيه أو تشربت قليلا يطهر بالغسل ثلاثا. هكذا في محيط السرخسي. (الفتاوى الهندية،كتاب الطهارة،الباب السابع في النجاسة،ج:1،ص:42) فتویٰ نمبر : 10758/297/321 دارالا فتاء جامعہ عثمانیہ پشاور تاریخ تصدیق : 2025-10-07 کتاب الطّہارۃ نجاسات اوران سے پاکی