عورت کی اجازت کے بغیراس کا نکاح اور بعد میں اس کی رضامندی

واضح رہے کہ شریعتِ مطہرہ نکاح کے معاملے میں عاقلہ بالغہ لڑکی کے ولی کو اس بات کا پابند کرتی ہے کہ وہ اس کی اجازت کے بغیر اس کا نکاح نہ کرے، بلکہ نکاح سے قبل اس سے اجازت حاصل کرے اور اس کی رضامندی لے۔ اگر لڑکی نکاح پر راضی نہ ہو تو ولی کے لیے زبردستی نکاح کرانا جائز نہیں، اور اگراس کی اجازت کے بغیر اس کا نکاح کروا دیا جائے توایسے نکاح کی صحت اس کی اجازت پر موقوف رہتی ہے۔ صورتِ مسئولہ میں اگر لڑکی کے بھائی نے ایجاب و قبول کے وقت لڑکی سے اجازت نہیں لی تھی، لیکن لڑکی  کو نکاح کا علم تھا اور اس نے نکاح ہو جانے کے بعد صراحتاً اپنی رضامندی کا اظہار کیا، تو اس کی یہ رضامندی معتبر ہے اور نکاح منعقد ہو گیا ہے۔   لا يجوز نكاح أحد على بالغة صحيحة العقل من أب أو سلطان بغير إذنها بكرا كانت أو ثيبا فإن فعل ذلك فالنكاح موقوف على إجازتها فإن أجازته؛ جاز، وإن ردته بطل، كذا في السراج الوهاج. (الفتاوى الهندية، کتاب النکاح،الباب الرابع في الأولياء في النكاح، ج:1، ص:287) كل عقد صدر من الفضولي وله قابل يقبل سواء كان ذلك القابل فضوليا آخر أو وكيلا أو أصيلا انعقد موقوفا هكذا في النهاية.(الفتاوى الهندية، كتاب النكاح، الباب السادس في الوكالة بالنكاح وغيرها، ج:1، ص: 299) فتویٰ نمبر : 7406/297/324 دارالا فتاء جامعہ عثمانیہ پشاور تاریخ تصدیق : 2026-05-20 کتاب النکاح شرائط وارکانِ