یکطرفہ عدالتی تنسیخ نکاح ڈگری کی شرعی حیثیت

واضح رہے کہ اگر خاوند عورت کے حقوق کی ادائیگی میں کسی قسم کی کوتاہی کا مرتکب نہ ہو تو عورت کی طرف سے تنسیخِ نکاح کا مطالبہ کرنا اور عدالت سے تنسیخ نکاح کا ڈگری لینا ناجائزہے اور ڈگری حاصل کرنے کی صورت میں عورت اگرچہ قانوناً آزاد ہوتی ہی، لیکن شرعی طور پر آزاد نہیں ہوتی، اس لیے کسی اور سے نکاح بھی نہیں کر سکتی۔ تاہم اگر شوہر متعنّت ہو یعنی نان و نفقہ اور دوسرے حقوق کی ادائیگی کی استطاعت کے باوجود ادا نہیں کرتا اور طلاق و خلع سے بھی انکار کرے، تو پھر ایک مسلمان قاضی عورت کے مطالبہ پر دونوں کے مابین تفریق لانے کا مجاز ہے، بشرطیکہ عدالت کی طرف سے تحقیق کے شرعی تقاضے پورے کیے گئے ہوں۔ ایسی صورت میں عورت پر طلاقِ بائن واقع ہو جائے گی اور وہ عدت گزار کر دوسری جگہ نکاح کر سکتی ہے۔ صورت مسؤلہ میں صحیح صورتِ حال سے ہم ناواقف ہیں، اس لیے اس فیصلے کے بارے میں دو ٹوک قطعی رائے دینے سے قاصر ہیں۔ تاہم اگر عدالت نے واقعی سائل کی رضامندی کے بغیر یکطرفہ طور پر خلع کی ڈگری جاری کر دی ہو اور سائل نے خلع کا فیصلہ جاری ہونے کے بعد بھی اسے قبول نہ کیا ہو اور نہ ہی خلع نامہ پر دستخط کیے ہوں، تو شرعاً یہ علیحدگی معتبر نہ ہوگی؛ اس لیے دونوں کا نکاح قائم شمار ہوگا۔   قال أصحابنا : إنهما لايجوز خلعهما إلّا برضى الزوجين فقال أصحابنا: ليس للحكمين أن يفرقا إلّا برضى الزوجين، لأن الحاكم لايملك ذالك فكيف يملكه الحكمان؟. (أحكام القرآن للجصاص،ج:2،ص:239) وأما ركنه فهو الإيجاب والقبول؛ لأنه عقد على الطلاق بعوض فلا تقع الفرقة، ولا يستحق العوض بدون القبول. (بدائع الصنائع،كتاب الطلاق،ج:3،ص:145) فتویٰ نمبر : 7387/297/324 دارالا فتاء جامعہ عثمانیہ پشاور تاریخ تصدیق : 2026-05-03 خلع عدالت یاپنچائیت کے ذریعے تنسیخِ نکاح