ایزی پیسہ ریٹیلر کا بھجوانے والے اور جس کو بھیجا جارہا ہو دونوں سے کمیشن کاٹنا

واضح رہے کہ کسی متعین شخص، کمپنی یا ادارہ کی جانب سے کسی کام پر مامور شخص اجیر کہلاتا ہے پھر اگر وہ اجیر صرف مستاجر ہی کے واسطے کام کرنے کے لیے  اجارہ پر رکھا گیا ہو، تو اجیر خاص اور اگر متعین وقت میں کسی ایک متعین شخص یا کمپنی کے لیے کام کرنے کا پابند  نہ ہو، تو وہ اجیر مشترک کہلائے گا،اجیر مشترک کام کرنے کے بعد  اپنی خدمات کے عوض اجرت لینے کا حقدار ہوتا ہے۔ نیز ایزی پیسہ ریٹیلر کی حیثیت وکیل بالاجرۃ کی ہے ،جس میں وہ صرف اپنے مؤکل سے ہی  اجرت لینے کا حقدا ر ہوتا ہے ،ایسا جائز نہیں کہ مؤکل سے بھی اجرت لے اور کسی دوسرے  سے بھی۔ صورت مسئولہ کے مطابق  سائل  کا اپنے ذاتی اکاؤنٹ سے پیسے ٹرانسفر کرنے پر  بھجوانے والے سے کمیشن لینا جائز ہے، کیونکہ اس صورت میں سائل اپنی خدمات کے عوض اجرت لے رہا ہے اور یہ  جائز ہے، البتہ جس کو یہ رقم ٹرانسفر کر رہاہو اس سے کٹوتی کرنا جائز نہیں، کیونکہ ایک کام پر دونوں طرف  سے اجرت لینا جائز نہیں۔   (الأجراء على ضربين: مشترك، وخاص.فالأول من يعمل لا لواحد) كالخياط ونحوه (أو يعمل له عملا غير موقت) كأن استأجره للخياطة في بيته غير مقيدة بمدة كان أجيرا مشتركا وإن لم يعمل لغيره (أو موقتا بلا تخصيص) كأن استأجره ليرعى غنمه شهرا بدرهم كان مشتركا، إلا أن يقول: ولا ترعى غنم غيري، وسيتضح…(ولا يستحق المشترك الأجر حتى يعمل كالقصار ونحوه). (الدر المختار شرح تنویرالأبصار،کتاب الإجارة، باب ضمان الأجیر،ج:9،ص:87-88) المادة (1467) إذا شرطت الأجرة في الوكالة وأوفاها الوكيل استحق الأجرة ، وإن لم تشترط ولم يكن الوكيل ممن يخدم بالأجرة كان متبرعا. فليس له أن يطالب بالأجرة.(مجلة الأحكام العدلية،الكتاب الحادي عشر:في الوكالة،الباب الثالث في بيان أحكام الوكالة،المادة:1467،ص:285) وإن وردت الإجارة على العمل كالخياطة والصبغ، فلا يجب الأجر مالم يفرغ الأجير من العمل. (شرح المجلة لسليم رستم باز، كتاب الإجارة، باب ضمان الأجير، ج:9، ص:94) فتویٰ نمبر : 3959/297/322 دارالا فتاء جامعہ عثمانیہ پشاور تاریخ تصدیق : 2025-11-04 کتاب الاجارۃ(کرایہ داری اورملازمت کے احکام)