بیوی کا حق مہر کے بدلے بھینس لینا

واضح رہے کہ عقد نکاح کے وقت جو مہر مقرر ہوجائے اس کی ادائیگی ضروری ہوتی ہے، البتہ بیوی اگر مہر کے بدلے کوئی اور چیزلینے پر راضی ہو تو اس چیز کی حوالگی سے بھی مہر ادا ہوجائے گا ۔ لہذا صورت مسئولہ کےمطابق بیوی کا شوہر سے یہ کہنا کہ :"مجھے تین لاکھ(300000)روپے نہیں چاہیے بلکہ اس کے بدلے فلاں مخصوص بھینس دے دی جائے"بیوی کا حق مہر کے بدلے دوسری چیز لینے پر رضامندی ہے، چنانچہ جب شوہر نے وہی بھینس بیوی کے حوالہ  کردی اور بیوی نے اسے قبول  کرلیا تو شوہر کی طرف سے حق مہر ادا ہوگیا۔   ‌رجل تزوج امرأة على خادم ثم صالحها على شاة بعينها جاز... فإذا تزوجها على كر حنطة ثم صالحها من ذلك على كر شعير بعينه فهو جائز. (الفتاوى الهندية، كتاب الصلح وهو مشتمل على أحد وعشرين بابا، كتاب الصلح وهو مشتمل على أحد وعشرين بابا، ج:4،ص:235) فتویٰ نمبر : 7364/297/324 دارالا فتاء جامعہ عثمانیہ پشاور تاریخ تصدیق : 2025-12-31 کتاب النکاح مہرکے احکام