گھر کی مشترکہ رقم سے بیوی بچوں کے اخراجات پوری کرنا

واضح رہے کہ مشترکہ خاندانی نظام میں جب بعض بھائی محنت مزدوری کرتے ہوں اور بعض گھریلو انتظامات چلاتے ہوں، تو جو بھائی محنت مزدوری کرتے ہیں ان کی طرف سے اگر عرفاً اس بات کی اجازت ہو کہ گھریلو انتظامات چلانے والا بھائی گھر کے اخراجات کی مد میں بھیجی گئی رقم سے اپنی ضروریات میں مناسب حد تک رقم خرچ کر سکتا ہے تو ایسی صورت میں وہ اس رقم سے اپنے ذاتی یا اپنے اہل وعیال کے اخراجات کر سکتا ہے۔ لیکن اگر نہ صراحتاً اس کی اجازت ہو اور نہ عرفاً و دلالتاً تو پھر ذاتی نوعیت کے اخراجات جیسے اپنے اہل و عیال کے مخصوص خرچ اور ذاتی قرض کی ادائیگی اس رقم سے جائز نہ ہوگی۔    اجتمعا في دار واحدة واكتسبا ولا يعلم التفاوت فهو بينهما بالسوية [تنبيه] يؤخذ من هذا ما أفتى به في الخيرية في زوج امرأة وابنها اجتمعا في دار واحدة وأخذ كل منهما يكتسب على حدة ويجمعان كسبهما ولا يعلم التفاوت ولا التساوي ولا التمييز.فأجاب بأنه بينهما سوية...ولو اختلفوا في العمل والرأي. (رد المحتار على الدر المختار،كتاب الشركة،ج:4،ص:325) فتویٰ نمبر : 4072/297/322 دارالا فتاء جامعہ عثمانیہ پشاور تاریخ تصدیق : 2026-05-24 کتاب الوکالۃ