جمعہ کی فضیلت کے بارے میں ایک حدیث کی تحقیق

سوال میں مذکور حدیث  کو امام بخاریؒ،امام مسلمؒ، امام احمد بن حنبل ؒ ،امام بیہقی،امام نسائی،ابن ماجہ ،طبرانیؒ اور امام بغویؒ وغیرہ نے اپنی اپنی سند کے ساتھ نقل کیا ہے۔صحیح بخاری کے الفاظ یہ ہیں: عن أبي هريرة قال: قال النبي صلى الله عليه وسلم:إذا كان يوم الجمعة، ‌وقفت ‌الملائكة على باب المسجد، يكتبون الأول فالأول، ومثل المهجر كمثل الذي يهدي بدنة، ثم كالذي يهدي بقرة، ثم كبشا، ثم دجاجة، ثم بيضة، فإذا خرج الإمام طووا صحفهم، ويستمعون الذكر. (صحيح البخاري، كتاب الجمعة، باب: الاستماع إلى الخطبة، ج:1،ص:314، رقم الحديث:887) ترجمہ:حضرت ابوہریرہ رضی اللہ عنہ سےروايت ہے کہ نبی کریم ﷺ نے ارشادفرمایا:"جب جمعہ کا دن آتا ہے توفرشتے مسجد کے دروازے پرکھڑے ہوجاتے ہیں،وہ یہ لکھتے ہیں کہ سب سے پہلے فلاں شخص آیا،پھر فلاں آیا اور سب سے پہلے آنے والے کی مثال،اس شخص کی طرح ہے جس نے اونٹ کی نذر پیش کی،پھر اس شخص کی طرح جس نے گائے کی نذر پیش کی،پھر مینڈھے کی،پھر مرغی کی،پھر انڈے کی،پھر جب امام خطبہ کے لیے نکلتا ہے تو وہ اپنے صحیفے بند کردیتےہیں اور خطبہ کو غور سے سنتے ہیں۔ یہ حدیث  صحیح ہے ۔ فتویٰ نمبر : 6600/297/328 دارالا فتاء جامعہ عثمانیہ پشاور تاریخ تصدیق : 2025-12-31 کتاب العقائد قرآن اورحدیث سے متعلقہ مباحث کابیان