دو بستیوں کو ایک شمار کر کے جمعہ ادا کرنے کا حکم

جمعہ نماز   صحیح ہونے کی پانچ شرائط ہیں : ۱۔ شہر یا قصبہ یا اس کا فنا(مضافات) ہونا۔ ۲۔  ظہر کا وقت ہونا۔ ۳۔  ظہر  کے وقت میں نمازِ  جمعہ سے پہلے خطبہ ہونا۔ ۴۔ جماعت یعنی امام کے علاوہ  کم از   کم تین بالغ مردوں کا خطبے کی ابتدا سے پہلی رکعت کے سجدہ تک موجود رہنا۔ ۵۔اذنِ عام (یعنی نماز قائم کرنے والوں کی طرف سے نماز میں آنے والوں کی اجازت) کے ساتھ نمازِ جمعہ کا پڑھنا۔ جمعہ کی  وجوبیت میں سب سے عمدہ شرطوں میں سے شہر  یا شہر کے تابع  آبادی ( جہاں شہر کی اذان سنائی دے)یا بڑا گاؤں  ہونا ضروری ہے،بڑے گاؤں سے مراد ایسا بڑا گاؤں جس کی مجموعی آبادی کم از کم دو ہزار نفوس پر مشتمل ہو، اور اس گاؤں میں ایسا بازار موجود ہو  جس میں روزہ مرہ کی ضروری اشیاء باآسانی مل جاتی ہوں اور   سوال میں مذکور  دو بستیوں کو ایک شمار کرنا درست نہیں کیوں کہ درمیان میں ایک کلومیٹر کا فاصلہ ہے،لہذا  مذکورہ دو بستیوں  میں جمعہ کی شرائط  پوری نہ ہونے کی وجہ سے جمعہ واجب نہیں، اور اس طرح فاصلہ والے دو بستیوں  کو ایک شمار کرنے کی شرعا  گنجائش نہیں ہے۔ النتف فی الفتاوی میں ہے : "فأما المصر فان فيه خمسة أقاويل قال بعض الفقهاء المصر هو الذي فيه ثلاثة أشياء السوق القائم والسلطان وجري الاحكام والحدود وقال بعضهم المصر هو الذي له رساتيق لأن المصر يقال له القصبة والقصبة انما تكون ذات اغصان كذلك المصر يكون ذا رساتيق وقال بعضهم المصر الذي لا ينسب الى غيره ولا يضاف الى مكان بل يكون له اسم بذاته فحسب وقال بعضهم المصر الذي يوجد فيه جميع الحرف وقال بعضهم المصر الذي لا يتسع اكبر مساجدها العامة لاهلها وعلى هذا أكثر الفقهاء وعند أبي عبد الله وأهل الحديث إذا كان في قرية أربعون رجلا تجوز فيها الجمعة. (کتاب الصلاۃ، باب تعریف المصر، ج: 1، ص: 91، ط:  دار الفرقان / مؤسسة الرسالة - عمان الأردن) فقط واللہ اعلم