پوتے کی بیوی کو مہر میں متعین مکان لکھنے کے بعد کسی دوسرے کا اس میں تصرف کرنا

واضح رہے کہ بیوی کو مہر دینا شوہر کی ذمہ داری ہے ،البتہ اگرشوہر کا  باپ یا دادا اپنی طرف سے بیٹے یا پوتے  کی بیوی کو مہر میں کچھ دیدے ،تو یہ ان کی طرف سے ایک تبرع اور ہبہ شمار ہوگا ،اس وجہ سے اس عورت کا  اس پر قبضہ کرنا ضروری ہے ،کیونکہ ہبہ بغیر قبضہ کے تام نہیں ہوتا،نیز جب مہر میں عورت کو کوئی متعین مکان لکھ کر دیا جائے تو یہ اس عورت کی ملکیت بن جاتی ہے ،اس  لیے کسی اور کو اس میں تصرف کرنے کا اختیار نہیں ہے ،چنانچہ  جس نے دیا ہے اس کی میراث میں    یہ مکان شمار نہیں ہوگا ۔ صورت مسئولہ کے مطابق اگر کسی  شخص نے اپنے پوتے کی بیوی کو حق مہر میں ایک متعین مکان لکھ کر دیاتھا ،تو  یہ مکان اس عورت کی ملکیت بن چکا ہے،اس  وجہ سے کسی اور کو اس میں تصرف کرنے ، اس کو بیچنے،یا ہبہ کرنے  کا اختیار نہیں ہے ،اگر کسی اور نے تصرف کیا تو وہ شرعا معتبر نہ ہوگا۔   ( وصح ضمان الولي مهرها ولو ) المرأة ( صغيرة ) ولو عاقدا لأنه سفير( وتطالب أيا شاءت ) من زوجها البالغ أو الولي الضامن (فإن أدى رجع على الزوج إن أمر ).(الدر المختار شرح تنوير الأبصار،كتاب النكاح ،باب المهر ج:4،ص:286) (وتتم) الهبة (بالقبض) الكامل (قوله: بالقبض) ‌فيشترط ‌القبض ‌قبل ‌الموت، ولو كانت في مرض الموت للأجنبي كما سبق في كتاب الوقف كذا في الهامش. (ردالمحتارمع الدرالمختار،كتاب الهبة،ج5،ص690) وفي البزازية ‌إذا ‌أعطى ‌الأب ‌أرضا في مهر امرأته ثم مات الأب قبل قبض المرأة لا تكون الأرض لها؛ لأنها هبة من الأب لم تتم بالتسليم فإن ضمن المهر وأدى الأرض عنه ثم مات قبل التسليم كانت الأرض للمرأة؛ لأنه بيع فلا يبطل بالموت.(البحر الرائق شرح كنز الدقائق،كتاب النكاح، باب المهر،ج:3،ص:188) [فرع] في الفيض: ولو أعطى ‌ضيعة ‌بمهر ‌امرأة ‌ابنه ولم تقبضها حتى مات الأب فباعتها المرأة لم يصح إلا إذا ضمن الأب المهر ثم أعطى الضيعة به فحينئذ لا حاجة إلى القبض.(رد المحتار على الدر المختار ،كتاب النكاح ،باب المهر،ج:3، ص:143) فتویٰ نمبر : 7268/297/324 دارالا فتاء جامعہ عثمانیہ پشاور تاریخ تصدیق : 2025-08-27 کتاب النکاح مہرکے احکام