اوورٹائم کی اجرت نہ ملنے کی صورت میں کسی اور طریقے سے اپناحق وصول کرنا

واضح رہے کہ اگر کسی شخص کا کسی پر حق ثابت ہو اور وہ اسے ادا نہ کر رہا ہو، تو وہ بقدرِ حق کسی مناسب طریقے سے اپنا حق وصول کر سکتا ہے، بشرطیکہ اس میں ظلم یا خیانت لازم نہ آئے۔ اسی طرح جو لوگ بیرونِ ممالک میں کام کرتے ہیں، ان سے جو خدمات لی جاتی ہیں وہ اجرت کے ساتھ ہی ہوتی ہیں، اس لیے اور ٹائم  کی اجرت اگر طے نہ ہوتو وہ اجرتِ مثل کے مستحق ہوں گے۔ صورتِ مسئولہ میں جن ملازمین سے اضافی وقت (اوور ٹائم) کام لیا جاتا ہے اور اس کا معاوضہ نہ کمپنی طے کرتی ہے اور نہ ادا کرتی ہے، جبکہ وہ ملازمین مجبوری کے تحت یہ کام کرتے ہیں، تو ایسی صورت میں بہتر یہ ہے کہ وہ پہلے اپنے حق کا باقاعدہ مطالبہ کریں اور کمپنی سے اس اضافی وقت کی اجرت طلب کریں۔ اگر اس کے باوجود کمپنی اجرت ادا نہ کرے، تو ملازمین کے لیے یہ گنجائش ہے کہ وہ مسئلۂ ظفر کے تحت اپنی اجرتِ مثل کے بقدر کسی مناسب طریقے سے اپنا حق وصول کر لیں، بشرطیکہ وہ اپنے حق سے تجاوز نہ کریں اور کسی قسم کی خیانت یا زیادتی کے مرتکب نہ ہوں۔   ‌أما ‌إذا ‌كان ‌ممن ‌يخدم بالأجرة يأخذ أجر المثل ولو لم تشترط له أجرة انظر. (درر الحكام شرح مجلة الأحكام، المادة:563، ج:3، ص574) وأطلق ‌الشافعي ‌أخذ ‌خلاف ‌الجنس للمجانسة في المالية. قال في المجتبى وهو أوسع فيعمل به عند الضرورة.  (قوله ‌وأطلق ‌الشافعي ‌أخذ ‌خلاف ‌الجنس) أي من النقود أو العروض؛ لأن النقود يجوز أخذها عندنا على ما قررناه آنفا. قال القهستاني: وفيه إيماء إلى أن له أن يأخذ من خلاف جنسه عند المجانسة في المالية، وهذا أوسع فيجوز الأخذ به وإن لم يكن مذهبنا، فإن الإنسان يعذر في العمل به عند الضرورة كما في الزاهدي. اهـ. قلت: وهذا ما قالوا إنه لا مستند له، لكن رأيت في شرح نظم الكنز للمقدسي من كتاب الحجر. قال: ونقل جد والدي لأمه الجمال الأشقر في شرحه للقدوري أن عدم جواز الأخذ من خلاف الجنس كان في زمانهم لمطاوعتهم في الحقوق. والفتوى اليوم على جواز الأخذ عند القدرة من أي مال كان لا سيما في ديارنا لمداومتهم للعقوق:عفاء على هذا الزمان فإنه … زمان عقوق لا زمان حقوقوكل رفيق فيه غير مرافق … وكل صديق فيه غير صدوق.(رد المحتار على الدر المختار،كتاب السرقة،ج:4،ص:95) فتویٰ نمبر : 4037/297/322 دارالا فتاء جامعہ عثمانیہ پشاور تاریخ تصدیق : 2026-05-03 کتاب القرض والدین