دو بھائی اور تین بہنوں کے درمیان ترکہ کی تقسیم

صورتِ مسئولہ میں سائل کی بہن مرحومہ کا ترکہ ان کے مذکورہ ورثاء کے درمیان تقسیم کرنے کا شرعی طریقہ یہ ہے کہ سب سے پہلے مرحومہ کے حقوقِ متقدمہ یعنی تجہیز و تکفین کے اخراجات نکالنے کے بعد، اگر مرحومہ کے ذمّہ کوئی قرض ہو تو کل ترکہ سے اس کی ادائیگی کے بعد، اور اگر مرحومہ نے کوئی جائز وصیت کی ہو تو اس کو باقی مال کے ایک تہائی سے نافذ کرنے کے بعد باقی ترکہ منقولہ و غیر منقولہ کو 7 حصّوں میں تقسیم کرکے دو دو حصّے ہر ایک بھائی کو اور ایک ایک حصّہ ہر ایک بہن کو ملے گا۔ صورتِ تقسیم یہ ہے: میت:7 یعنی فیصد کے اعتبار سے 28.571 فیصد ہر ایک بھائی کو، اور 14.285 فیصد ہر ایک بہن کو ملے گا۔ فقط واللہ اعلم