اپنی بیوی کو تین مرتبہ” میں تمہیں طلاق دیتا ہوں” کہنا

واضح رہے کہ اپنی بیوی کو صریح الفاظ کے ساتھ طلاق دینے سے طلاق واقع ہو جاتی ہے۔اگر طلاق کے الفاظ متعدد ہوں تو طلاقیں بھی متعدد واقع ہوں گی۔  لہذا صورت مسئولہ میں جب شوہر نے بیوی کو فون کے ذریعے تین بار" میں تمہیں طلاق دیتا ہوں" کہا،تواس سے بیوی کوتین طلاقیں واقع ہوگئیں،لہٰذا وہ  شوہر پرحرمت مغلظہ کےساتھ حرام ہوگئی۔اب اگر مطلقہ  عدت گزار کر کسی دوسرے شخص کے ساتھ نکاح کرے اور اس دوسرے شوہر سے صحبت (جسمانی تعلق) ہوجائے، اس کے بعد وہ دوسرا شوہر اسے طلاق دے دےیا اس کا انتقال ہوجائے توعدت گزارنےکے بعداس پہلے شوہرکے ساتھ دوبارہ نکاح ہوسکتا ہے۔   كررلفظ الطلاق وقع الكل وإن نوى التأكيد دين۔ (ردالمحتار علی الدرالمختار،باب طلاق غیرالمدخول بھا،ج:4، ص:521) أما الصريح فهو اللفظ الذي لا يستعمل إلا في حل قيد النكاح، وهو لفظ الطلاق أو التطليق۔(بدائع الصنائع،كتاب الطلاق، فصل في شرط النيةفي الکناية،ج:4،ص:216) وإذا قال لامرأته أنت طالق وطالق وطالق ولم يعلقه بالشرط إن كانت مدخولة طلقت ثلاثا۔(الفتاوی الهندية،كتاب الطلاق، الباب الثانى،الفصل الاول في الطلاق الصريح،ج:1،ص:423) وإن كان الطلاق ثلاثا في الحرة وثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها كذا في الهداية۔ (الفتاوٰی الھندية،کتاب الطلاق،الباب السادس،ج:1،ص:535) فتویٰ نمبر : 7349/297/324 دارالا فتاء جامعہ عثمانیہ پشاور تاریخ تصدیق : 2025-12-25 کتاب الطلاق متفرق احکامِ طلاق