بیوی کو سابقہ شوہر کی طلاق یاد دلاکر طلاقنی کہنا

واضح رہے کہ بیوی کو مطلقہ یا اس کے  ہم معنی الفاظ سے مخاطب کرنے اور پکارنے سے  بھی بیوی پر طلاق واقع ہوجاتی ہے،البتہ اگر وہ  عورت پہلے کسی اور کے نکاح میں تھی اور اس نے طلاق دی تھی ،اور موجودہ شوہر کا  مطلقہ کے لفظ سے  مخاطب کرنے سے  مقصد اس پہلے شوہر سے ملی طلاق ہو، تو اس صورت میں شوہر کی نیت کا اعتبار ہوگا ،اور طلاق واقع نہیں ہوگی۔ صورت مسئولہ میں اگر واقعی شوہر کے ان الفاظ "طلاقنی،طلاقنی،طلاقنی" کا مقصد اس پہلے شوہر سے ملی طلاق ہو ،تو اس صورت میں اس کی بیوی پر کوئی طلاق واقع نہیں ہے۔   [فروع]لو قال لها: يا مطلقة بالتشديد أو يا طالق وقع، ولو قال: أردت الشتم لم يصدق لأن النداء استحضار بالوصف الذي تضمنه اللفظ إذا كان يمكنه إثباته بذلك اللفظ، بخلاف قوله يا ابني لعبده. ‌ولو ‌كان ‌لها ‌زوج ‌طلقها ‌قبل ‌فقال: ‌أردت ‌ذلك ‌الطلاق ‌صدق ‌ديانة ‌باتفاق ‌الروايات وقضاء في رواية أبي سليمان وهو حسن.(فتح القدير،كتاب الطلاق،باب إيقاع الطلاق،ج:4،ص:7) ومنه يا طالق أو يا مطلقة بالتشديد ولو قال أردت الشتم لا يصدق قضاء ويدين كذا في الخلاصة ‌ولو ‌كان ‌لها ‌زوج ‌طلقها ‌قبل ‌فقال ‌أردت ‌ذلك ‌الطلاق ‌صدق ‌ديانة ‌باتفاق ‌الروايات وقضاء في رواية أبي سليمان وهو حسن كما في فتح القدير وهو الصحيح كما في الخانية.(البحر الرائق شرح كنز الدقائق،كتاب الطلاق،باب ألفاظ الطلاق،ج:3،ص:270) فتویٰ نمبر : 7293/297/324 دارالا فتاء جامعہ عثمانیہ پشاور تاریخ تصدیق : 2025-11-04 کتاب الطلاق متفرق احکامِ طلاق