مرنے کے بعد ملنے والی پنشن کا حکم

واضح رہے کہ پنشن حکومت کی جانب سے سرکاری ملازم کے لیے ایک عطیہ ہوتا ہے، جو اس کی زندگی میں اسے ملتا رہتا ہے، اور اس کی وفات کے بعد قوانین کے مطابق یہ پنشن کسی وارث کے نام کر دی جاتی ہے۔ چونکہ یہ ایک عطیہ ہے، اس لیے اس میں میراث جاری نہیں ہوتی، کیونکہ میراث اس مال میں جاری ہوتی ہے جو وفات کے وقت میّت کی ملکیت میں موجود ہو۔ البتہ یہ پنشن جس وارث کے نام کر دی جائے، وہ اسی کی ملکیت بن جاتی ہے، اور پھر وہ جس جائز طریقے سے چاہے اسے خرچ کرسکتا ہے۔ صورتِ مسئولہ میں سرکاری ملازم کے مرنے کے بعد پنشن جس بیٹی کے نام منتقل ہوئی ہے، یہ اسی کا حق ہے، باقی بہن بھائی اس میں مطالبے کا حق نہیں رکھتے۔ البتہ اگر وہ اپنی مرضی سے کسی بھائی یا بہن کو  اس پنشن میں سے کچھ حصہ دینا چاہے تو دے سکتی ہے۔   العطاء لا یورث عنہ.(الأشباہ والنظائر،ج:2، ص:495) الترکۃ في الاصطلاح ما ترکہ المیت من الأموال صافیا عن تعلق الغیر بعین من الأموال.(ردالمحتار علی الدر المختار،کتاب الفرائض،ج:10، ص:493) فتویٰ نمبر : 6540/297/328 دارالا فتاء جامعہ عثمانیہ پشاور تاریخ تصدیق : 2025-12-07 کتاب الھبۃ(تحفہ کے احکام)